Myndir frá hittingnum 1994 og fundur

Bogga kom með myndir sem hún tók þegar við hittumst síðast, mjög skemmtilega, endilega kíkið á þær. S.l. fimmtudag hittist undirbúningsnefndin enn einu sinni til að stilla strengi sína, Sissa og Gulla voru óvæntir áheyrnarfulltrúar og var bara gamana af því. Það var ákveðið að tveir meðlimir nefndarinnar færu norður yfir heiðar n.k. þriðjudag til skrafs og ráðagerða við Kalla yfirstrump á Reykjum, þar verða teknar myndir og allt kortlagt, eins og maturinn og hvað við getum nýtt okkur af húsnæði og öðrum hlutum sem á svæðinu eru. Heitu pottarnir verða teknir út með tilliti hversu margt fólk á miðjum aldri kemst í þá í einu. Sundlaugin verður mæld fyrir hið mjög svo áhugaverða sundmót. Rætt var á fundinum um hvaða skemmtiatriði ættu að vera og er það í vinnslu og mega allir koma með hugmyndir um það, rætt var um að enduruppsetja Dýrin í Hálsaskógi ofl. en það kemur í ljós. Einhver sagði að það gæti verið gamana að láta opna Byggðasafnið því líklegt sé að fæst okkar hafi komið að því húsi í öðrum erindagjörðum en til að fá sér smók!! En semsagt, allt að gerast, látum heyra frá okkur aftur eftir norðurferðina.