Við fórum norður

Ég (dóri) og Hilmar skruppum að Reykjum í gær að taka út staðinn, skoða aðstæður og ræða við Kalla staðarhaldara um helgina góðu. Það kom smá vinnubabb í bátinn hjá mér þannig að við urðum að bruna í bæinn eftir rétt hálftíma stopp....en hvað um það, fjörðurinn skartaði sínu fegursta vorveðri, gluggaveður af bestu sort en tún og fé þó farið að taka nokkuð við sér og sáum við félagar nokkra væna sauði á ferð okkar. Nú skólinn er í góðu standi og hefur lítið breyst, við skoðuðum salinn...við vorum þrír og það var eins og salurinn væri fullur af fólki, rosalega er hann eitthvað að minnka með árunum. Nú sundlaugin sömuleiðis, okkur Hilmari minnti að hún hefði verið 50 m en það er ekki rétt, þetta er bara baðker og ættu menn ekki að hika við að melda sig í sundmótið, nú síðast meldaði Kristján Oddson sig, þannig að það stefnir í hörku keppni. Karlli er að koma upp nýjum móttöku græjum fyrir sýn þannig að þeir sem hafa hugsað sér að horfa á Austur Þýskaland keppa við Grænhöfðaeyjar í opnunarleik heimsmeistarakeppninar þurfa engu að kvíða með það. Minni á að þeir sem mæta með tjald eða í felli eða hjólhýsi þurfa ekki að hafa áhyggjur, láta vita og það verða settir út kapplar með rafmagni. Á næturnar verður opið hús í gamla barnaskólanum til WC ferða, en á daginn notar fólk sundið. Við ræddum við Kalla um matinn og ætlar hann að senda okkur lista yfir hvað yrði á hlaðborði, vín selt sér, kaffi á eftir og geta menn keypt sér koníak með því....meira um þetta síðar. var að reyna að setja inn nokkrar myndir frá ferðinni en það gengur ekki alveg, reyni þangað til það gengur. Vil svo að lokum minna menn á að drífa sig að panta herbergi, KAlli ætlar að fylla gamla skólann fyrst...síðan strákavistina...og endilega líka að borga staðfestingargjaldið, allt að gerast og tíminn styttist og allir glaðir væntanlega....húrra