Þá er bara að þakka fyrir sig

Jæja, þá er rskPARTÝ2006 búið og ekki annað ægt að segja en að vel hafi til tekist, þó vissulega hefði maður kosið að sjá fleira fólk, en svona er þetta. ÞAð skemmdi þó ekki fyrir frábærri helgi þar sem veðurguðirnir spiluðu stóra rullu, veðrið var frábært í einu orði sagt, fólk safnaðist saman við laugina og í heitu pottunum upp úr kl. 10.00 á laugardagsmorgni eftir skemmtilega nóttt, þar sem fólk sat og spjallaði framundir rauðan morgun, sólin skein og menn og konur urðu rauð eins og norskar seljastúlkur. Á laugardeginum fjölgaði og var sest að snæðingi kl. 1900 og var maturinn alveg frábær, hlaðborð að bestu gerð, síðan var kíkt á gamlar myndir á vídeó og var veðrið þannig að fólk fékkst varla inn í hús aftur. En þessu lauk svo seint og síðarmeir eftir dannsleik í íþróttasalnum, við höfum kannski elst en úthaldið er það sama!!!! Það fór loks að rigna á sunnudagsmorgun en þá voru líka allir á heimleið.
Það er talað um að hittast aftur eftir fimm ár!! Hver veit er ekki rétt að biðja fólk að taka frá fyrstu helgina í júní 2011...það ætti að vera nægur tími fyrir fólk að skipuleggja sig. Sem sagt mér fannst þetta yndisleg helgi, gaman að hitta allt þetta skemmtilega fólk aftur og eiga skemmtilegar stundir. Þúsund þakkir fyrir skemmtunina, hlakka til að sjá ykkur aftur. Að lokum vil ég þakka Boggu, Hilmari og Atla fyrir samstarfið vð að koma þessu partíi á koppinn, þið eruð yndisleg. Þassi síða verður áfram uppi, ég bíð eftir að fá sendar myndir frá fólki til að setja inn á vefinn, Koma svo!!!